के खोज्दैछु के पाउनु छ ?
के पाई सके के गुमाउनु छ ?
लेनदेन त चलिरहन्छ बारम्बार
कि जोडनु छ कि घटाऊनु छ

तिमी मेरो रे म तिम्रो रे
हाम्रो प्रेम अमर छ रे
कति दोहोराउछौ यि शब्दहरु
कि झुकिनु छ कि झुक्याउनु छ

मर्छन कति अमरताको खोजी मा
बाँचछन कति प्रेम को बोझमा
चल्नेछ यो प्रथा निरन्तर यहाँ
कि फस्नु छ कि फसाउनुछ

नजिक ल्याएर मारछन कसैले यहाँ
सामिप्यतामा कसैको मर्छन यहाँ
दुरी त केवल एउटा वहाँना हो
कि मर्नु छ कि मार्नु छ

त्यही समय फर्केर आउन्न कहिले
सिक बाँच्न त्य्सैमा जे छ अहिले
हिजो र भोली त अन्धकार हुन सदा
कि भुल्नु छ कि भुलाउनु छ